1453 |

Arch Abdij Egmond/Vroonboek Vroonlanden bij Limmen fol 2, 2v (A.R.A.)

Jaartallenindex

een sceyden geschiet twischen Bertout Gerytszoons kinderen in die deling soe boerde myn heer den abt 1 Wilh schilt, geliken oft een coep geweest hadde. Item een sceyden geschiet twische Aef Symon Beijers ende hoer kinderen etc. Item heeft Dirc Reynersz gecoft tegens sijn broeder Jan Reynersz 2 achtendeel rogsadinge etc. Item Dirc Danielsz heeft gecoft tegens Willem Bertoutsz 2 coeven, daer lenden of is noord: Claes Clau, zuid: Aef Symon Beijers mit hoeren kinderen, ende die hofstede mijt dat zaedlant daeran, tsamen omtrent 4 sestel land. Item Dirc voirs. solvit den eersten dach. Item die coep en scrijfgelt betaelt. Item Dirc heeft den anderen dach betaelt als Willem Bertoutswedu hoir voecht mij geseit heeft doe ic terecht was te Limmen in presencia van Dirc. Item heeft heer Pieter Pouwelsz van Scouwen gecoft tegens Claes Reynersz 1 hofstede leggende an die zuidzijde van Limmerkerck etc