1455-01-07 |

G.A. Alkmaar Kloosters Oude Hof no 70 (nieuw no 74)/dr Vangassen no 402 p 228

Jaartallenindex

ick Jan Tedinck lije ende kenne mit desen tegenwoirdigen brieve dat ick vercoft hebbe Gheertruut Amelghersdochter, ministra der susteren van St Katrinenconvent tot Alcmaer, after die prochikerk, totten gemenen convent behoef, een stucke lants geheten "Stekelswerf" ende "Loperslant" half, onderdeelt, gelegen in de ban van Graft voir die Rijp, om een somme ghelts van 38 Wilh scilden. Dair lenden of sijn oost: heer Jacob van Graft, west: Claes Gherijt Nyesenz. Ende ick Jan Tedinck voirn. waere den ministra voirs. hierof al voldaen ende wel betaelt den lesten penninck mitten eersten. Ende ick geloeve den ministra voirn. dit voirscr lant te vrijen ende te waren als men vrij lant sculdich iste vrijen ende te waren in den banne voirs. In kennisse hierof der wairheit so hebbe ick Jan Tedinck voirs. desen brief besegelt mit myns selfs zegel, hier beneden an gehangen