1456-03-30 |

Ms Opstraeten v.d. Molen III fol 1182

Jaartallenindex

doe ick te verstaen Volpaert van Raephorst dat ick belije ontfangen te hebben van joncfr. Agniese die Wouter die Ridders wijf was ende haer dochter jvr Wouter, die husinge geheten dat Keijserrijck ende die Sterre, alsoo alse aen malcanderen glegen sijn by der stadtwage t'Utrecht, ende die nedergevallen windtmolen ende rosmolen buten S Catrynenpoort bij Utrecht, soo Wouter de Ridder die mit eygenschap gewonnen heeft. Sulcx dat ick ½ daeraff overgeven sal Willem Snellaert van den Polle met conditien dat wij alle rechtvorderinge die joncf. Heylwich die Gerrit de Keijserswijff was ofte heer Claes van Sperewoude ofte anders ijmant daer op doen moghen, met recht verweeren ende wederstaen sullen nae ons verneucht ende soo die met recht of houden sullen binnen jaers joncf. Agnete hare dochter ofte hare erfgenamen weder overgeven ½ van de voors. goeden, ende sall Willem voirs. met syn broeder Frederick de voors. joncf Agnese etc dit boven etc (?) ons weder vrijen van alle opspraeck dat Willem haren soon en syn erfgenamen ons op d' een helfte souden willen doen etc. Alle dese geloeften ende poincten heb ic Volpart voorn. alse principael saecwoude, ende wij Jan van Raephorst en Wernaer Braem geloeft etc (met potlood: lade 92)