1456-1457 |

Rek Rentmeester Kennemerland en Vriesland no 887 fol 25

Jaartallenindex

reparaties aan het huis Middelburg: Eerst Jan Willemsz, timmerman, poorter te Haarlem, van dat hij van zynen ambochte mit eenen knechte op ten slote van die Middelburch gewrocht heeft. In den eersten heeft hij ofgebroken ende ontwrocht dat oude houtwerck dat gepaveert ende gevloert was in de twee zalen ende in die bottelrie, overmits dat die met steenen faicten [?] onder van nyeus verwullef zyn. Item zo heeft hy gemaect ende geset in elke sale een nyeuwe couskesijn ende een nyeu duerkijn in de muyer staende tusschen den 2 salen. Item so heeft hij gemaect een grote trappe van swaren kanthoute, die hij besiden beschoten ende geeleedt heeft mit wagenschotte, dienende vuyt der salen te gaen solven [?]. Ende heeft nieuwe kappen geleyt die men gaet vuyt der salen by den thoren. Item so heeft hy van nyeus vermaect die trappen van den wendelsteen die men nedergaet van die bottelrie in den kelnaer, te wetten mit eycken trappen gesneden van kanthoudt ende die geleyt opert nyeu steenen trappen. Item so heeft hi int een eynde van de kelner onder den thoren ofgeschoten een grote spinde mit tralijen ende een duer daaran gemaect. Item noch in denselven kelner gemaect een kesin mit een venster. Item die stenen trappen die men gaet beneden uyt die plaetse in den kelner onder den thoren gecleedt mit eycken trappen daerop geleyd. Item boven op die bottelrie in t een eynd of geschoten een grote spinde mit een duer daeran gemaect. Item noch in den voirkelner onder die sale gemaect een zwaer duerkesin mit een duer so men van daer gaet in den anderen kelner ende desgelycx daerinne gemaect een groot vensterkesin met een veynster. Item so heeft hij gemaect int bouhuys etc