1466-01-20 |

G.A. Monnikendam Inv 154 fol 78/Diversorium Galileaconvent

Jaartallenindex

scepenen in Monikedam oorkonden dat heer Jacop Copwittenz heeft opgedragen ende machtich ghemaect etc als van dien, dat alsoe langhe als hi selver leven sal dat cloester ofte convent gheleghen bi Monikendam gheheten Galilea of den prior van denselfden convent, sal verhueren ende die rentenen bueren van alle sijn lant dat hi legghende heeft op Mercken. Ende voert meer heeft heer Jacop voorn. t voerscr convente besproken ende tot enen rechten testament ghemaect 40 R gld, te betalen tot twie terminen, dat is te weten d'een helft een jaer nae sijn doot ende dander helft over een jaer daer nae. Behoudeliken dat dat voers. lant nae sijn doot besterven sal an sinen rechten erfnamen als Jacob syn broeder ende sijn naecoemlinghen, ende op Felije syn suster ende haer naecomelinghen ende op die kinderen die Pieter Coppenz syn broeder sal. ged. aftergelaten heeft ende oec op haer nacomelinghen. Dit voers heeft heer Jacop Voern. ghedaen bi wille ende consent van sinen rechten erfnamen voerghenoemt in teghenwoerdicheyt van desen goeden mannen als heer Jan van Monikendam, Reyner Aems, Florys Claesz, Florijs Walravensz, Jacob Claes Moensz (vgl 1466-06-15)

bezegeld door Jan Florijsz ende Lambert Jansz, schepenen