1466-06-15 |

G.A. Monnikendam Inv 154 fol 77v/Diversorium Galileaconvent

Jaartallenindex

scout en scepenen op Mercken oorkonden dat heer Jacob Copwittenz mit sijn broeder Jacop als sijn gecoren voecht, voer ons opghedraghen ende machtich ghemaect heeft als van dien dat alsoe langhe als hi selver leven sal dat cloester ofte convent gheleghen bi Monikendam gheheten Galilea of die prior van denselven convente sal verhueren ende die renten bueren van alle sijn lant ende erve dat hi legghende heeft op Mercken. Ende voertmeer heeft heer Jacob het convent besproken ende tot enen rechten testament ghemaect 40 R gld. Behoudelick dat dat voirs. lant nae sijn doot besterven sal an sijn rechten erfnamen als op sijn broeder Jacob ende syn nacomelinghen, ende op sijn suster Feli ende haer nacomelingen ende op die kinderen die Pieter Coppenz sijn broeder sal. ged. after gelaten heeft ende oec haer nacomelingen. Dit voers. heeft heer Jacob voern. bi wille ende consente ghedaen van sinen rechten erfnamen voerghenoemt. Want wi Claes Dircsz, Jaep jong Gheryt Dircsz gheen seghelen en hebben, zegelt Pons Jacobsz de schout voor hen (vgl 1466-01-20)

Pons Jacobsz, schout, Claes Dircsz, Jaep jong Gherijt Dircsz, schepenen