1436-04-24 | Alkmaar

Coll Aanw no 205 fol 198v/Mem Rosa II fol 98v

Jaartallenindex

Philips oorkondt also onse getruwe stede van Alcmaer ons onderdanichlic te kennen heeft doen geven, hoe seer dat sij by den quaden regiment verarmt ende van groten sculden ende oncosten die hem dagelicx meer opcomen, belast en beswaert zijn. Biddende oitmoedelic, dat wij hem ordineren wouden sekere personen van den ryksten ende notabelsten aldair in eenen goede getale die onse voirs. stede ter better oirbair raden en regieren mogen om hoirre lasten ende oncosten te bet te vervallen, ende oic omdat onse voirs. stede te bet besorcht ende geregeert moge worden als dat tot onser ende onser voirs. stede behoef, nutste ende oirbaerlicxste syn sall. Soe hebben wi die ymmer altijt die wailvairt ende voirderscip van onser voirs. stede gerne sagen, geoirloift ende gemachtigt, oirloven en machtigen mit desen onsen brieve dese nabescreven personen toten getale an 33 te weten: Clais van Thorenburch, Jacob Jansz, Wouter Henricsz, Jacob Jacobsz, Ysbrant Oebelenz, Geryt van der Couster, Jan Bal, Huge Jansz, Jacob Petersz, Willem Borritsz, Claes van Adrichem, Willem Maerytsz, Michiel Ripprantsz, Gerrit Florysz, Henric Jan Vredericsz, mr Willem Claesz, Claes Jan Gheyenz, Ghyse Buys, Jan Oetgersz, Aelbrecht Lievinck, Wouter Beyersz, Jan Mouwerijn, Aerst van de Werve, Dirck Petersz, coman Jan Heijloo, Floris Duwer, Jan Hillinck, Jan Woutersz, Nanne Dircsz, Jacob Reynersz, [Bruinvis de Alkmaarse Vroedschap, heeft hierna nog: Symon Vredericsz, Pieter Garbrantsz, Pieter Reynersz], dat sy alle tesamen alle jaren op ten Heiligen Kersavont eendrachtelyc kiesen, ordineren en setten sullen mogen, off dat meerre deel ende meeste stemmen van hem drie burgermeysters, raetsluyden die hem autste en oirbaerlixte duncken sullen by haer conscientie en bester weten. Zy zullen de ontvangsten en uitgaven doen en daarvan rekening en verantwoording toe etc. Durende tot onsen wederzeggen (vgl 1451-03-26, 1437-03-15)