1436-09-10 |

Coll Aanw no 205 fol 273/Mem Rosa I fol 125

Jaartallenindex

het is erscreven en hier after gestelt. Philips doen cont allen luden, want Otto die bastairt van Arkel ons lange vervolcht heeft om sekere goeden en lande die here Jan van Arkel here van Pierpont, zyn vader, in zyn leven hem gegeven ende bewyst hadde mit synen brieven, gelegen in onsen lande van Arkel en binnen onser stede van Gorinchem, tot synen notorfte, ende om dairup te leven, van welke goede en landen wij en de rentmeesters van Arkel en anderen in onsen name in den besitte geweest sijn, soe dat dairomme dieselve Otte die niet en heeft mogen gebruken ende wy hem oick niet gehengen en wouden te gebrucken, mits dat wy die gifte die here Jan van Arkel, zyn vader, hem gegeven hadde van geerne wairden en houden, noch oick schuldig en is van waarde te wesen, mar om dat wy onser gratien wegen Otto den bastert van Arkel voirn, ymmer voorsien willen dat hy wat hebben mach op te leven ende gehouden mach wesen ons te dienen als wijs behoeren. Soe hebben wi om oetmoedelic vervolche wille van dienselven Otte voir als sulck land, goede en rente als here Jan van Arkel hem gegeven hadde, die hy hiermede quytgeschouden heeft, denselven Otto gegeven zyn leven lang 100 onser guld. Pieters sjaars, jaarlyks op te beuren en te ontvangen ute onse rentmeesterschap van Gorinchem en van Arkel. Dewelke hij van ons te leen zal houden zijn leven lang. Gegeven in onser stad van Gendt