1437-02-13 (1436) |

Coll Aanw no 205 fol 311/Mem Rosa I fol 137

Jaartallenindex

also Pelgrim Gheryt Garbrantsz clachtig gecomen is in den Hage op 13 Febr. '36 na den loop van s Hollands, en heeft ghetoont enen brief, sprekende van een boodambacht van Spanbroek, dat Cornelis Baroen [aan] zijn vader Geryt Garbrantsz vercoft heeft op brieve die hij van mynen genad. here voirs. daarof heeft na utwysinge van dien. Dewelke de voors. rade daarop gehoord ende geexamineert hebben, ende dat also gedaan wesende, myn here van Santes mitten anderen Raden hebben denselven Pelgrim daarop verantwoirdt, ende voir recht gewyst, dat Cornelis voirs zyn vader Gerryt Gerbrantsz voldaan heeft alsulke brieven als hi van hem hadde, ende dat Pilgrim de voors. Cornelis voirtan ongemoeijt laten sal, sonder hem daerof te mogen beclaghen oick yet sculdich is up him vorder ansprake dair om te doen, mer hadde hy up yemant anders dairomme te clagen, dat mocht hij doen