1437-04-04 | Amsterdam

Coll Aanw no 205 fol 362/Mem Rosa dl I fol 153v

Jaartallenindex

hertog Philips oorkondt dat onse voorvaders, graven van Holland, voirtyts plagen te hebben binnen onser stede van Aemsteredamme 5 £ sjaars op een huis en hofstede geheten Jan Robbekyns hofstede gelegen op den zuderen hoeck van des Gravenstraat, achter die Nyeuwe kerck aldaar. Ende overmits datter huys dat up dieselve hofstede placht te staen, voirtyts in den groten brand offgebarnt is, soe is dat erve ende hofstede voirs. mit horen toebehoren laten leggen tot noch toe voer die pacht, soe dat nyemant die aennemen noch daerop weder timmeren en wil tenzy wy die rente ende jairlixe pachte van den 5£ minderen ende corten wouden, ende up dat ymmer onse voirs. renten (er staat rencte) niet met allen teniete gaen en souden, soe hebben wij utgegeven en geven u mit deze brieve Aelbrecht Gherytsz die voors. hofstede, alsoe als sij gelegen is enen erfpachte, om dair op te timmeren ende die te oirbaren ende te gebruycken tot synen wille, des sullen wy dairop ende up die timmeringe des hij dair op maken sal, hebben en houden ervelyck ende ewelyk alle jaar 4£, sulke ponden als dair voirtyts vijf op plagen te staen. Ende deze 4£ sjaars sullen gebruiken en ontfangen Walraven Benting ende Claes van den Nesse hair leven lang, overmits gifte ende gartie die sij daeraf hebben, by onsen anderen brieven, ende na hoire doot sullen sij comen an ons ende onsen erven graven van Hollant. Alle argelist utgescheiden