1437-05-20 (2) |

Kroniek Hist Gen jg 1854 p 377/Arch Harderwijk

Jaartallenindex

(vervolg) 6) Gadert Pannekoeck ½ erve, gelegen op Hollick, soe dat Noyde Vantz te wesen plach. Ende hier steit op 4£ brievinge en ½ voeder koren; 7) dieselve Gadert 6 mergen lants, daer die drie van gelegen zijn bij Axelis Hunninck, ende die ander 3 in Putter kirspell, daer Gerrit van Spoelde naist gelant is, ende is geheijten die Meentecampe, soe die Arnts Puttensoin te wesen plach. Di gift 18 alde groit te wij gelde; 8) dieselve Gadert een erve boven Moerseler gelegen, geheten die Rouveenhorst; 9) dieselve Gadert een stucke lants gelegen toe Hunen, geheyten Stroemans guet, dat Noyde Rants te wesen plach; 10) dieselve Gadert Pannekoeck ½ erve, gelegen toe Lunteren, daer Claes van Esvelt die wederhelft van heeft; 11) dieselve Gadert 7 morgen lants bi der veste ter Nyerkirken, die gecomen sijn uijt Vleijen guet; ende dat gilt ½£ brieving; 12) Reijnert Leijsen erve, soe dat gelegen is toe Milden teynden an den Erckschen dijck in den kerspel van Putten, hoege en lege, binnen- en buten dijcs, soe dat syns vaders ende moeders te wesen plach, en ½ hoeve holts in Putterholt. Ende noch 2 morgen lants ende 1 hont gelegen in Erckemeden in Abelen weide, en dat gift t'onrade een voeder korn en 4£ brievinge en 6 alde groit toe voeder koern en 23 alde groit t'onrade