1439-04-14 | Alkmaar

R.A.H. Coll Aanw no 100 fol 143

Jaartallenindex

Jacob Janssoen Lambrecht. Verlyde myn Heer Jacob Janssoen een huysinge ende hoffstadt gelegen tot Alcmer ende belegen hebben ten sijden dat Gasthuys an die oestsyde, ende des Scoutenstrate an die westsyde, streckende van der Voirstraten zuytwert tot des Gasthuys erve. Voirt die huysinge mit den erven daertoe behoorende ende belegen hebben ten syden Geryt van Delff an die westsyde ende heer Jan Vlaminc an die oestsyde mitter tymmeringen alsoe alst behuyst ende betymmert is, te houden tot een erfleen, te verheergewaden met een coppel vette capoenen. Item noch een hofstad die gelegen is in den Poeldyck in den ambachte van Monster, alsoe groet ende alsoe cleyn als die werf begripen heeft binnen synen graven. Tot een recht erfleen, niet te versterven. Datum tot Haerlem