1439-04-15 | Heemskerk

R.A.H. Coll Aanw no 100 fol 123

Jaartallenindex

verleende myn Heer een utsettinge Jacob van Poelenbrugh Gerytssoen als dat hij mit waenversoucken niet versuymen en mach tot synen mondigen jaeren toe, alsulcke goede als hij van der Graeflicheyt van Hollandt te leen houdende is. Te weten eerst een huysinge mitten hiemwerff ende mitten 4 acker lants gelegen tot Heemskercke voir den werff, streckende tot an den Kerckwech. Item een weyde after den huyse effen breet den voirlande voor den voirsloet zuutwert aff te meten. Item 20 mergen lants gelegen tusschen den dyck van Poeldyck ende Wennekenssloet. Item 4£ Holl sjaers uter lanthuyer in die Lier. Item 1 mergen 2 hont lants gelegen an 't Hoff 's Gravensande. Item 2 paer zwanen uytten huyse van Heemskercken, welcke goede hij houdende is al t samen ten rechten leen, niet te versuymen tot des hij mondich is