1445-1453 |

Bissch Arch Haarlem/Cartul Klooster in den Hem Inv no 119 II fol 30v

Jaartallenindex

Gheryt van Lis, scout tot heren Aerntsberghe, end scepen op ten Berch, kennen dat Gherdijn heer Jan Gerdijnsz of sijn erven heit 1 vrijen ouden erven scilt sjaers op Wolfert Dircsz huys ende hofstadt, streckende van der Hoechstraten tot Thomas Pietersz erff toe, staende an die noordzijde aen den Kerchof. Ende op Snel Willemsz huys ende hofstat twee erff oude Dordr. gld sjaars, streckende van die hofstraet tot after der gemeenten toe, belend zuytwaert: Wolfaert Dircsz, noertwaert: Wouter Ghenenz. Ende op Gherit Geerlofsz huijs ende hofstat een erff pont Hollants streckende van die Hoechstraet tot Floren lant toe, belend zuid: Ector Woutersz, noord: Aelbrecht van Naeldwijc hofsteden. Ende wij scepen kennen dat Beatrijs Gerdijns suster voirs. of hoire erven heijt ende erven ouden Vranc sjaers op Jan Willemsz huijs ende hofstat die men heit Jan Bigghen, staende tusschen Gherijt Plonijsz huijs ende Gherdijns huijs. Ende enen vrien ouden erff Vranck sjaers op Thomaes Pieters huys ende hofstat, streckende van Ghysbert Baertz erff totter ghemeynten toe ende her Thomas huys ende hofstat is onderpant onder [!] wetering toe. Ende op Willem Gheerlofz huus en de hofstat dat nu Synen die Weerts ijs enen erfliken oude Dordr. gld sjaers, gelegen in die Voirstraet, belend oost: Ghysbert Baertz, west: die ghemeent, streckende van der straten tot der ouder wetering toe. Ende alle dese voorscr renten sijn die daghe der betalinge tot St Pietersmisse ad Cathedram ende sal men ut rechten an twij scalle pande als recht is van jair tot jair, ende alle dine sonder arch of list. Den datum van dese voirn. renten syn out ende hebben gestaen int jaer ons heren 1396 op St Gheertrudenavont

Gheryt van Ammers Plonysz, Claes die Bruun, Dirc die Vriese, Jan Willemsz, Jan Raeuz (Raenz ?), Wouter Ghenez ende Henric Hermansz, schepenen; bezegeld door de schout en door Gheryt van Ammers en Willem Jacobsz