1446-08-23 | Heemskerk, Assendelft

Arch Marquette 1106 no 70/Cartul Assumburg

Jaartallenindex

hertog Philips oorkondt "dat onse geminde Gherit van Assendelft onsen President ende Rade van Hollant te kennen gegeven heeft dat in sijnre heerlickheyt van Assendelf, bij tijden doetslaegen, vreedebrake ende andere onstantelicke saicken gescijen, die hi nyet wel berechten en magh als 't wel behoirde ende van node waire, om dat hi binnen derselver sijnre heerlickheyt geen huys, slot nog vangenisse heeft, daer hi die quaatdoenders in sluyten mach, ende om dattet noot is sulcke quaede daden te berechten ende te corrigeren, soe hebben wi geoerloeft ende geconsenteert, oerloven ende consenteren mit desen brieve Gheryt van Assendelft dat hi die breuckige ende misdadige in sijnre heerlickheyt van Assendelft mach vangen, of bi sijnre dienren doen vangen, ende die voeren ende doen voeren in sijn vaders Huys in Heemskerck, in hechtenisse, om die te berechten ende te corrigeren van sulcken breucke als si tegens hem misdaen sullen hebben, gelijck als dat van rechts wegen behoeren sal; dit sal geduuren tot onsen wederseggen"