1447-11-19 (3) |

Arch Marquette no 942/Arch vanLimburg-Styrum

Jaartallenindex

(vervolg) Voorts so sullen hebben Jan van der Bouchorsts geestelijcke kinderen van den oudsten bedde sulcke lijfrenten des jaers als hier na beschreven staen nae haer vaders doot: V) in den eersten Heer Jacob van der Bouchorst, monnick tot Egmondt, 6 Wilh scilden 's jaers op die stede van Leyden, VI) Heer Claes van der Bouchorst, Regulier Brenoerde [?] 8 Gentsche nobel sjaers op die stede van Haerlem, VII) Heer Willem van der Bouchorst, priester, 12 Wilh schilden sjaers op die stede van Haerlem. Ende heer Willem sel overgeven die renten tot Haerlem mr Huge na uytwijsinge des instruments dat daerof is ende dit sel wesen na des vaders doet, VIII) Joffrou Lysbeth van der Bouchorst, nonne tot Lewenhorst, sel hebben 6 Wilh scilden sjaers na utwijsinge des briefs, IX) jouffrou Machtelt van der Bouchorst 6 Wilh schild na uytwisinge des briefs. Voert soo geloven Jan van Noertich ende Daniel van Noortich onse gebroeders tesamen eendrachtich voor zich zelven en hoer erven ende voor hoer joffrou moeder ende voir haer erven ende oock voor heuren susteren ende broederen van denselfden bedde ende voor hueren erven dat alle die voors. goeden vri sullen comen ende erven op een ygelyck van hueren broederen ende susteren van het oudsten bedde, daer nyet uytgaende, off op heuren erven in alre manieren als voors. staet. Ende oock geloven die selve Jan van Noortich ende sijn broeder Daniel dat alle die lijftocht die hoir jouffrou thans heeft op desen voors. goede off die sij daer noch op vercrigen mochten, dat die vrij off sullen wesen. Ende voorts soo geloven zij dat sij alle dese goeden sullen laten volgen mitten brieven ende hantvesten die daeroff sijn etc