13 resultaten

Groesbeek, van | 1569-05-17

Recht Arch Hoorn 4577 fol 305v
Achternamenindex

voor schepenen van Hoorn kwam Symon van Groesbeeck, coopman tot Utrecht, ende verclaerde hij comparant dat volgende zeeckere sententie interlocutoir alhier bij scepenen gewesen tusschen hem comparant ende Mary Gerrit Brallersdochter, om welcke sententie interlocatoir te volcomen verclaerde hij comparant tot Hoorn gecomen te zijn waertoe die voorn. Mary Gerets haer nyet heeft willen verstaen deur absentie van Pieter Wiggersz burgermeester deser stede, ende voor alle onnutte costen te emteren, soe heeft hy comparant mits desen geconstitueert ende machtich gemaeckt d'ersame Jan Gerretsz van Vollenhoven, notaris publiek van myn Here de deken van Westvrieslant, ende mr Ellert Warwijc, procureur deser stede, tesamen ende elc bysonder om de voornoemde sententie te volcoemen, ende dies achtervolgende van zyn t wegen met den selven Marije te veraccorderen

Vuren, van | 1480-02-26 - 1481-05-15

Rek Drossaard Land van Arkel Rek no 3816 fol 1, 10v
Achternamenindex

"ontfanck van Michiel Budde die gevangen is geweest ende gheleden heeft mit wilen Otte van Vueren Yselsteijn verbrant te hebben. Ende desgelycs van Geryt Scout die oic bij vonnisse gewesen is om getransemeert ende gestoken te hebben, dese twee sijn mitter zweerde gerecht geweest bij vonnisse van scepenen, niet achterlatende daer men vijet aen verhalen mocht, daar om hier nijet" (fol 1); (fol 10v): "Alzoe lange Michiel Budde verwesen was van mit wijlen Otte van Vuijeren geweest te hebben tot Yesselsteijn doen Yesselsteijn verbrant was, dair omme van gelycken saken in dese Hage wylen de voirs Otte van Vueren mit vele andere geexecuteert waeren desgelycx geexecuteert te zijn t welc gedaen is geweest, betaelt den buel van zijnen arbeit ende andere diversche costen dairom gedaen, 10£"

Grebber, de | 1535-04-21

Schepenrol Hoorn 4146
Achternamenindex

"die schout beelaechde Willem Mathijsz de wever hoe ende al ist soe dat de K. Majesteit bij zijn open brieve van placate den 6e Mey anno XXXIV geboden ende bevolen heeft dat nijemant wie hij zij ende soude mogen ontfangen of harbargen enige van denghenen die zij weten herdoopt te wesen, noch oich mit hemluyden converseren ofte frequenteren, op verbuerte van hueren lijve ende goeden, desen enen wel nijet jegenstaende soe heeft belieft gehat de vors. Willem genouch in contempt van t voors placaet te logieren ende herbergen enen Claes Grebbersz ende zijnen huijsfrou, van Monikendam, die beyde herdoopt waren, ut saeke van dien de vors schout over ende in den name soe hij procedeert, neempt voor sijn conclusie dat Willem Mathijsz gedaegde vors gecondemneert sal wesen tot verliesinge van zijnen lijf ende goeden tot profijt van de K Majesteit int achtervolgen t vors placate. Ende alsoe de voors Willem tot deser instantie nyet en comapreert is geweest is hij vellich gewesen van de voors eijsche of hij keert mit beter recht"