1437-05-31 |

Genealogie van der Does Voorburg/Familiearch Bredius

Jaartallenindex

Heynrick here van Wassenaer, burchgrave van Leyden, oorkondt dat voor ons ende onse mannen als Ghysbrecht Pelgrumsz en Symon Jacobsz, gecoomen is onse neve Jan van Groenevelt, ende heeft bij syne rechte moitwillen opgedragen ende tot eenen rechten eygen quytgescholden ende in onse handen gegeven ende geset voor hem en sijn nacomelingen, tot behouff Aernts van der Does, onse neve, ende sijn nacomelingen 4 morgen lants luttel min ofte meer by den hoop sonder mate, die hij van ons te leen plach te houden, gelegen opt Wout in die Harnasch in die woeninge van Groenevelt ende Jan voors. belegen heeft an beyden zyden mit land dat hij van ons te leen houdende is, te weeten an die westsyde mit een camp lants van 5 morgen geheten den Oirt. Welke 4 morgen voirs. wij weder verlijt hebben ende verlyen onsen neve Aernt van der Does ende sijne nacomelingen tot een onversterfelycken erfleen binnen achtersusterkind niet te versterven, altyt te comen ende te erven op die outste ende die naeste van Aernts voirs. live gecomen, die jonge man voor dat ouder wijf die voerhandt te hebben daer sij beyde even na syn, te verheergewaden als t verschynt met een rode sparwer of 10 schell goets gelts daervoor (vgl 1445)