1417-05-30 |

Reg H. Geest Naaldwijk fol 1/Copie v.d. Marel p 12

Jaartallenindex

eerst van sine lande in de ban van Naeldwijc in den Zuutbroec. Item ¼ deel ende is nu ⅓ deel mitten coep nascreven van 8 hont weiden, gheleghen in den Zuutbroec een weide zuutwarts van den weghe. Ende an die oestzide van des capittels weijde die plach te hieten van oude tiden Symon Heynenz weijde. Ende daerna plach si te hieten der jonckvrouwen weijde van Naeltwijc. Ende dit ¼ deel voors. besprac heer Heijnric Allartz na inhout sijn testaments brief ende is in des capittels slot. Ende die renten van den lande voirs. sal men deelen den armen op sine jarichtijt. Int jaer ons Heeren 1417 omtrent Pinxter wort ghecoft tegens Hughe Baken in die 8 hont voirs. alsoo veel an lande dat die H. Gheest heeft een recht ⅓ deel in die 8 honden voirs. Ende wort betaelt mit ghelde ende Hughe Claes Bloemensoens den H. Gheest besprac over hem te deilen. Hierof sal men vinden in dat CIII blat in Huge Claes Bloemenz testament