1399-03-17 (1398) |

R.A.H. Coll Aanw 47 fol 576/Reg Albrecht V fol 325v no 1338

Jaartallenindex

hertog Albrecht oorkondt "want in der prochien van Oestgeest tot desen dagen toe twee dincbancken ende ambochten geweest hebben, dat is te weten Oestgeest ende Poelgeest, dair men mitten asingen ende den bueren pleecht te dingen. Ende die bueren ende huijsluden van den ambochten voirs. also seer versturven sijn ende uijt den ambochten gevaren dat onse arme luden in den voirs. ambochten woonende onse jaerscot ende bede niet betalen en mogen. Ende oic mede also vele huijsluiden ende bueren niet en syn daer die scout mitten asingen recht mede te doen mach, men moet se uijt vreemden dorpen halen. Soe hebben wij onsen goeden luden van Oestgeest ende Poelgeest also vele gracie gedaen dat sij tesamen hebben sullen een gemeen dincbancke voor beyde ambachten, daer die scout mitten asingen ende bueren recht doen sal tot sulker tyt ende sede als men in den voirs. ambachten van Oestgeest tot desen dage toe gedaen heeft. Ende hebben him vorder verlicht hoer riemtale dair sij ons mede plegen te dienen dat is te weten die alinge prochie van Oestgeest ende Poelgeest voirs. ons ende onsen nacomelingen dienen sullen in onser heervaert, jaerscot ende bede te betalen mit enen riem. Met bevel aan de baljuw van Rynland en den rentmeester van N.H. dat sij onse arme luden van Oestgeest ende van Poelgeest niet hoger en belasten in heervaerde, bede ende scote dan voirs is. Dit sal gedueren tot ewigen dagen