1430~ (2) |

Kroniek Hist Gen Utrecht jg 1850 p 423-432

Jaartallenindex

(vervolg) Loen: in den yersten so is Heyn Willemsz geschedigt an synen huijs dat hem geboert wart, ende an den guede ende cleijnoit dat darinne barnden, so dat sij namen 50 Arnh gld. Item Dirc Gaert synen soen is geschadigt aen zynen huys dat hem gebrant wart, en an goede en cleynoit, 50 Holl scilde. Item Willem Gaert oec Heynen soen vurs. is geschedicht an synen huys dat hem gebrant wart, ende an anderen gueden die daerinne barnden 40 Arn gld. Item Heyne [Willemsz] dochter is geschedicht an hoirre have, die hoir genomen wart, 40 Arnh gld. Item Johan Roeversz hoer neve is geschedicht an sijnen huijs dat hem gebarnt wart, ende an anderen goeden dat dairinne barnde, ende oick have die sy namen 50 Arnh gld. Item Alart Pyeck is gheschedicht an ..... huijse dat sij branden ende aen anderen .... st. Item Willem die Buyser is geschedicht aen sijnre have die hem genomen is 18 Arnh gld. Item Arnt van Leeuwen is geschedicht aen sijnre haven die hem genomen is 12 Arnh gld. Item Derick van Angeren 200 alde scilden en Stijn van Maren 10 Arnh. gld. Maze ende Wale: Dit is die scade den Johan van Boitberch heren Hermansz ende syne buwlude tot Ewyck gehadt hebben tot tween reisen van peerden die op die Brabantsche erde tot Megen gestolen zijn. Ten eerste 2 merries etc. Item dit is dat scheell .... van Tricht wonende tot Apelteren toe s.. .dat hoen Wolter Piek ende Arnt ... . Item onse vyande hebben gevangen tusschen Groit Lit ende Cleyne Lit Derick van den Damme Gaerts tot Wamel, dit is geschiet binnen 8 dagen. Item noch hebben sij enen man gevangen van Venloe binnen dese bestande in der Mase bij Alphen. Item noch hebben sij genomen tot Wamel 14 peerden. Item hebben die van Meghen mit enen knecht, die Johans Dickbiers knecht was, tot Apelteren Herman van Tricht sijne pert genomen. Item so hebben mijns heren vyanden ut Brabant sijne ondersaten tot Haren gevangen daer die een mijne knecht aff was, die tot Oss gekoft wort. Item so segge ick Jacob van Riemsdijck, ambtman tussen Mase en Wale, dat die van Meghen mit den Braband .... sijn komen waill 10 reysen ende .... doit toe gewont ende .... gebraken. Toeseggen Luijss van Merwijck: in den yersten so hebben Willem van Montennaeke, lantdros in der tyt in Brabant, Johan Dickbier, here Claes van Sinte Goerrik ende here Evert Voet hem selff sesten gewapent ende drije reuner gevangen tot behoiff des heren van Sympoll ende des geymen lants van Brabant; ende hebben hem 10 goeder perde genomen ende hem selff sesten elken een voll harnasch, utgenomen beynharnasch ende hem oick selff derden an hoeren handen gevangen gehalden bis in dat derde jaer, doe hoen Got holp dat hie ontquam, ende 3 van synen knechten gevangen gehalden 2 jaer lanck, uijt ende inne te ghaen ende te comen. Ende binnen die voirs. tyt heb ick dieghene die mit mi gevangen waren, verleent 600 Vrancr cronen