1422-09-25 | Purmerend

R.A.H. Coll Aanw 77 fol 72v/Memoriale Ducis Johannis fol 47v

Jaartallenindex

hertog Johan oorkondt "want Johan Eggaert voirtvluchtich geworden is der lande van Hollant, ende recht ende vonnisse van den lande niet en heeft willen noch dorren verwachten, van sulken brueken en misdaden als hij tegens ons én der grafelijkheid misdaen en gebruekt heeft. So sijn daerom sijn goede die hij inden lande ende pale van Hollandt hadde, an ons gecomen. Welke goede voirs. uytgenomen t huys ten Purmerende mit den tween dorpen daeran gelegen, mit anders den goeden daer heer Gherijt van den Sijle in der soen van Leyden op besoent is, ende oic mede uijtgenomen sulke goede als yemant anders mit goeden brieven ende bescheiden bewijsen mochte dat sij syn waren. Om natuerliken gunsten die wij hebben ende dragen tot Johan onsen bastartsone, die wij denselven gegeven ende bewijst hebben, geven ende bewijsen mit desen brief tot synen oirbair, nutscip ende profijt te hebben ende te gebruken sonder te vercopen etc. Dit sal gedueren tot onsen wederseggen"