1399-04-03 |

R.A.H. Coll Aanw 67 fol 73v/Memoriale B.M. fol 54v

Jaartallenindex

item des Donresdages na Paeschdach anno 99 gaf mijn heer Pieter heren Dircsz enen open plackaert, dat hi him oerlof gaf ende sinen gesinne, hoer wapen te dragen binnen Alkemaer ende daer buten overal in mijns heren lande. Ende daertoe dat hi mach doen drogen in der hange in sijns selfs husinge also veel harincs als hi wil ende hem genoecht. Oec mede dat Pieter voors. voert meer sitten en woonen sal binnen Alcmaer sonder scot te geven. Voert heeft mijn heer him gracie gedaen oft dat sake waer dat yemant him mit rechte aensprake binnen der stede van Alkemaer, want hi een beveedt man is van sculde, dat dan die scout ende scepenen van Alkemaer terecht sitten sullen voer sijn huijs daer Pieter voers. woenachtich sal wesen. Alle dese punten voers sal Pieter voers. hebben en gebruken tot mijns heren wederseggen toe, sonder verbuernisse tiegens minen heer of tiegens yement