1429-02-18 | Hoorn

G.A. Hoorn Charters no 789 (3044)/Vangassen no 332 p 180

Jaartallenindex

scout, scepenen ende burgermeysters der stede van Hoirn doen kond allen luden dat wi mit goeden biraede ende mit consent ons rijcdoems overgheven ende quytscelden onser Vrouwen Capelle mit alle haer toebehoren, ende al wat wij daerop te segghen hebben, den ouden procuratoers als den prior van den Reguliers in Blocwer, haer Pouwels Albartsz, haer Willem Allartsz, haer Henric Brunincx, priesteren, ende Gheryt Pietersz. Ende setten se in haren hand en in alle maniere te regieren ende ordineren ende daermede te doen als die eerste scepenenbrief inhout die daerop ghemaect is