1413-10-07 |

Genealogie v.d. Does Voorburg fol 56/Fam Arch Bredius/Leenregister Wassenaer

Jaartallenindex

wij Philips, heere van Wassenaer, burchgrave van Leyden, doen cont allen luyden, dat wij confirmeert hebben ende confirmeren mit desen brieven joncvr Aernt van Rosendael, onser nichten, dat sij voort verleenen ende verlyen mach van haer houdende tot een erfleen uyt alsulcke leengoeden als sij van ons houdende is, gelyck dat de leenbrief van ons daerof inhout, Jan van Rosendale, haren oom, 24£ Holl sjaers (den Eng nobel voor 3£ Holl), jvr Beatris en joncvr Alijt heur twee wittachtige susteren, elcx 24£ Holl sjaers, ende hare twee bastaertsusteren elx 4£ Holl sjaars. Te houden van haar en haar nacomelingen in manieren, waert dat sij bruecten mit hilick of mit anders eenigen onredelycken saecken buten ons ende den vrienden, soo sullen alle alsulcke leengoederen als sy van joncvr Aernt van Rosendale, onser nichte, ofte op haer gerechten erfnamen wairt dat hair gebrake (vgl 1398-05-05)