1408-08-31 |

R.A.H. Coll Aanw 71 fol 25v, 26/Memoriale B.C. fol 16v

Jaartallenindex

gelooft Joncfrou Machtelt van Poelgeest Pieter heren Dirxz weduwe wair te maken wes si mit hoeren cedulen op Jacob van Poelenburch geclaicht heeft, en te beteren bi minen heer en sinen Rade of si in den onrecht gevonden wordt , of dat si Jacob gebrueckt hadden, in den stucken die Jacob over hoir geven sal. Des syn borgen: Dirc Willemsz van Poelgeest, Willem Willemsz, Coen van Oisterwijck ende Oudelandt. Item optenselven dach geloifde Jacob van Poelenberch te beteren bi minen heer en sinen Raedt, wes hi minen Heer of der joncfrou voirs. gebrueckt mach hebben, alse van der cedel die si op him overgegeven heeft, des sijn syn borgen: Heinric van Alkemade en Dirc Reyners (fol 25v). Item Bertout van der Beets en Willem Woutersz waren mit Jacob van Poelenberch op hoir lyf en goet gedaecht opten voirs. dach in den Hage te wesen, ende sijn dat verseten (fol 26)