2 resultaten
1452-08-20 (2) |
G.A. Amsterdam Weeskamer Amsterdam Lade 121
Jaartallenindex
(vervolg) Voirt so quam voer ons Lucya Jacob Claeszoens weduwe voirn. met Simon Jacobsz hoeren voecht ende erfname, ende mit mr Jacob Ruuschenzoen ende Jacob Heinricsz, hoer 4 vierendelen etc, ende scout quyt ende gaf over Jacob ende Geertruydt voirn. 5 nobelen sjaers optie voirn. stede van 16 penn, ende 2 nob. sjairs optie voirn. stede van 12 penn, één ter lossing. In deser manieren dat Lucija dese renten opbueren ende ontfangen sal also lange als hair suster Kathrijn levet ende niet langer, ende na Kathrijns doot of na Lucyen doot, so sullen dese 7 nobelen sjairs Jacob ende Geertruyd vrij toebehoeren tot hoeren vrijen eygene. Ende sij gelieder af voldaen te wesen etc. Voirt so quam voir ons Aef Jan Woutersz weduwe mit Willem Sael hoeren voecht ende mondbair ende mit Claes Dircxz, Jan Peter Smitsz ende Willem Sael voirn, hoeren 4 vierendelen etc ende scout quyt ende gaf over den voirscr Jacob ende Geertruydt alle rechten ende toeseggen dat sij heeft tot die 7 coeven voirscr. anders dan voirsz staet. Ende sij gelieder af voldaen te wesen etc, behoudelic wairt dat Jacob ende Geertruydt oflijvich worden sonder blivende blikende geboirte after hair te latene, so sullen dese gueden weder erven opten genen daer se af gecomen waeren na den rechte van Zuuthollant. Ende wairt dat Elisabeth Lucijendochter oflijvich worde voir Lucya horen moder, so sullen Jacob ende Geertruydt dese 7 nobelen sjairs voirsz. inbringen eer sij eenige erfnisse van Lucyen nemen souden (vgl 1451-04-06)
1452-08-20 (1) |
G.A. Amsterdam Weeskamer Amsterdam Lade 121
Jaartallenindex
schepenen in Amsterdam oorkonden dat Ghysbert Claesz kwijtschold aan Jacob Claesz en syn suster Geertruydt, dair moder af is Kathrijn Jan Wouterszoensdochter, 7 coeven die gelegen sijn in den ban van Oesanden tot Hael, daer dat heele lant af is 28 coeven, ende is gedeelt an 14 coeven dairaf Ghysbert voirn. quytscout den tween kynderen voirs. die helfte van dat Westerweer, te weten alle toeseggen dat hi daertoe heeft, behoudelic dat Aef Jan Wouterszoensweduwe sal die renten van dese voirscr. 7 coeven opbueren ende ontfangen also lange als Lucija Jacob Claeszoonsweduwe ende haer suster Kathrijn Claes Moeijertsdochter, die baghijn, in levenden lijve sijn, ende als een van him beiden oflivich geworden sal wesen, so sullen dese 7 coeven den twe kynderen vrij toebehoren tot hoeren vryen eygene. Ende Ghysbert Claesz voorn. gelieder af voldaen te wesen