1423-03-04 (1422) |

R.A.H. Coll Aanw 77 fol 123v/Memoriale Ducis Johannis fol 80

Jaartallenindex

die sceydinghe tusschen Gheryt van Spaerenwoude ende Florys Willemsz van Sparenwoude, synen neve. Op 4 Mrt consenteerde die voirs. Florijs Willemsz dat sijn neve Gherijt hem besculdigen sal tussen dit en Meij naestcomende voir 6 van hoire beijder magen, ende wes dieselve Florijs niet verantwoorden noch onsculdich gemaken en kan hetsij van bruecken, van sculde of anders, dat sal hij denselven Gerijt beteren ende oprechten tot goedduncken der 6 voirs. Voirt van sulken lande als Florys tegens den dyckgrave van Rynlant gecoft heeft dat Gherijts voirs. plach te wesen ende mitten dycrechts hem afgewonnen is, dairvoir sal Florys voirs. den voirs. Gherijt meer voir gegeven dan het hem tegens den dycgrave voirs gecoft heeft, also vele als den heemrait dunct dattet beter is, ende daerof sal die heemraet hoir goetduncken ende sceydinge seggen op Meijdach e.k. als sij vergaderen sullen, ende desgelycx die zes voirs, of hier en tussen (zie 1422-12-20)