1442-03-01 (1) |

Cartul Reg St Jan fol 192

Jaartallenindex

Jacob van der Couster, scout van Heylghelo, oorkondt dat broeder Willem prior en twee broeders conventualen van St Willebroertscloester Regulieren tot Heyligeloe an die een zide, ende Ariaen van Cranenbroec myt sinen neve Florys Jansz van Cranenbroec, ende Ariaens gesturven voecht geweest had tot synen mundige jaren toe an die andere sijde, ende gheliden an beide syden also sy ellec mitten anderen versparret laghen mit horen lande dat sij om hare beider gevoechs willen ende bij consent des Heren van Egmonde ende synre vrienden van Ariaens weghen daertoe geroepen ende geschit als heer Jan, cureit van Egmonde, Willem van Bercm [Bercmeer ?], balyu, ende Geryt Pietersz, hooffmeester tot Egmonde en pageling ende wissel van den lande hierna geschreven mit malcanderen overcomen waren in der voegen als hiernae geschreven. In den eersten heeft Ariaen ontfangen ende overgenomen van den prior ende convent omtrent 8½ wandt lants geleghen in den ban van Heiligeloe an die zutside van den cloester voorn, ende belent hebben an dat westeynde Wouter Heynricsz myt sijn oudemoeder, streckende oostwairt an St Willibroirtswech, ende aen die zutside Ariaen voorscr, ende an die noortsyde dat cloester voern. mitten lande dat sij van Ariaen ontfangen hadden. Voirt so gelide Ariaen voirsc. mit synen vrienden noch ontfangen van den cloester ende convent voirscr omtrent een want lants leggende in denselven ban an die zuthorn van der cleynre saet van Cranenbroec, dar lenden of sijn an dat oesteynde Dirc Aerntsz, an die zutsyde Tames Lourijsz, an dat westeynde Jan Besijs, ende an die noortside Ariaen mit sijnen eyghen lande