1431-03-30 (1430) |

R.A.H. Coll Aanw 203 fol 218v/Memoriale Rosa I fol 91v

Jaartallenindex

so hebben die hoge heemraden van Schieland gewijst sulc vonnesse als si onder gehadt hebben, twelk zij driewerff gesteet hebben, tussen der stede van Delf an die een zide, ende Engebrecht van der Spange an die ander zide, roerende van der waterscepe die uten Spaense polre plegen te hebben in Schoonreloo duer die sluze, dair him die hooge heemraden voirg. op beraden ende bevraicht hebben mit grooter voorsienicheyt ende hebben gewyst die uten Spaensenpolre in hoir oude waterscepe, ten ware of sijt mit brieve of mit voirwaerden yemand overgegeven hebben. Wegens dit geschil tussen Delft en Engebrecht voirs, so dat onder recht gestaen heeft als voirs. is, so en hebben die dycgrave ende hyemrade van Schielant geen rechtvordering mogen doen anderswaer in den lande, so dat dair gebreck of heeft geweest van den landen. Ende om alles besten wille ende updat die dycgrave ende heemraden toten landen sien ende recht hantieren mogen geliken si plegen, so heeft Engebrecht ter liefde van den Rade behoudelic sijns rechts, goedgevonden dat dijkgraaf en heemraden schouwen ende toten landen sien sullen dair dat van noode wesen sal. Dit sal staen toter tijt toe dat Engebrecht den heren van den Rade ander vervolch dairom doen sall