1529-05-29 |

Arch Begijnhof Haarlem

Jaartallenindex

scepenen in Beverwijc certificeren etc hoe dat Aernt van Adrichem Symonsz gekont heft nae ordonnancie van de Heylige Kercke joffrou Aechte Pieter Suijsdochter ende hebben achter gelaten van hem beyden gecomen onder anderen twe kinderen van geechte ende gerechte bedde, joffrou Willem van Adrichem Aerntsdochter als outste van jaren ende Pieter van Adrichem Aerntsz als de joncste van hem beyden van jaren. Welcke joffrou Willem van Adrichem voirn. nu ter tijt tot enen geecht ende getrouden man het mr Livijn van Burch Anthonisz. Tot verificatie van dien soe hebben wij scepenen als boven desen brief doen besegelen met der stede zegel van zaken hier beneden an doen hangen in den jare 1529, 4 MEi

Thybaut Simonsz en Geryt Henricksz, schepenen

1413-06-06 | Heemskerk

Arch Marquette 1106 no 122/Cartul Assumburg

Jaartallenindex

Engelbrecht Greve tot Nassou here ter Leck ende tot Breda oorkondt dat Bertout van Assendelft, saliger gedachten, in voorleden tijden onsen lieven gesellinnen gravinne tot Nassou vrou ter Leck ende tot Breda hoere ouderen ende voervaderen, van zijnen eygen goeden als hiernae bescreven staen, opgedragen ende quytgeschouden heeft tot eenen vrijen eygen, ende weder ontfangen heeft tot eenen goeden onversterffelijcken leene nae inhoudt sulcker handvesten ende brieven als daer af zijn in den welcke [iets uitgevallen ?] hij te woenen plach ende nu ter tyt in woent Dirick van Assendelft ende hem van zijnen ouderen mit recht aengestorven zijn, dat este wetene alle die huysinge ende hoffstede mitten hiemwerve binnen der uterste grafte, die lane, die laenacker ende den noerden acker tusschen die lane ende Bauekensacker vuytgaende geheelijcken aen den wech, ende vier geersen in den mersche van Smeetscampe, inne te meten zuttwaerd, welcke huysinge ende lande voors. gelegen es in den ambochte van Heemskercke. Ende omme goede gunste die wij dragen tot Dirick van Assendelft voors. soe hebben wij Kerstynen van Cralingen sijn wittigen getrouden wijve aen alinge ende aen alle alsulcke goede als Dirick voorn. leggende heeft in den ambochte van Heemskerck, mit consent onser liever gesellinne voirn. verlijftocht ende verduwarijt nae inhout hoire hilixe voirwairden duerende haer leven lang. Engelbrecht belooft haar hierin te zullen handhaven