1406-07-11< |

G.A. Amsterdam Cartul Regulieren van St Jan bij Amsterdam fol 125

Jaartallenindex

Vivien Baertoutsz, schout in Graft ende int Zuyteynde van Scermer, oorkondt dat Jan Schinck hem al wel ende wittelick hebben betaelt den lesten penninck mitten eersten van den lande ende goede die hi him vercoft heeft ende quytghescouden tot enen vrien eyghen in enen brieve die bezeghelt hebben haer Jan van Rietvelt, Aernt Gherytszoen, Sijmon Claeszoen ende Voppe Berwoutssoen. Voert soe ghelide Jan Schinck voers. dat alle ander goede die hi gecoft heeft in den banne van Graft an Schermer of anders ergens in enighen banne dat hi die ghecoft heeft van der Regulieren weghen was totten ghemener convents behoef ende mit horen ghelde betaelt, gheliken als oec die brieven inhouden die daervan gemaect sijn, alsoe dat Jan Schinck voers in den banne voers nerghent een voet lants of goets en hevet. Voert soe ghelide Jan Schinck dat alle ossen, coyen of andere beesten die hi coept ende bruuct of verhuert ende oec mede alle lande huse ende goede die hi in den voers. banne verhuert ende bruuct, scoude ende onscoude die hi daermaect, dat hi dat te mael doet van der Reg. wegen voers ende niet varder daerof him in onderwynt an als hoer rentemeester tot horen wederseggen

Symon Claeszoen zegelt als tughe, medebezegeld door Jan Schinck