19 resultaten
1474 |
G.A. Monnikendam Inv 154 fol 68v/Diversorium Galileaconvent
Jaartallenindex
van onse lekebroeders: broeder Aernt Stevensz van Leyden. Dese goede broeder was al sijn leven dat hi bi ons ghewoent heeft een enichvoudich manne, hi dede sijn hantwerck neerstelic want hi was een wever toe hi hier quam. Ende hi had langhe tijt een grote siecte ende passie in sijn bienen. Ende hi toech te Leijden te meesteren, ende hi creeck een grote siecte waeran dat hi te Leijen ghesturven is ende te Wermont in onse cloester begraven int jaer ons Heren 1474. Ende hi had hier ghewoent 28 jaren
1451 |
G.A. Monnikendam Inv 154 fol 68v/Diversorium Galileaconvent
Jaartallenindex
van onse lekebroeders de tercio ordine. Broeder Gheryt van Monikendam. Dese goede broeder was een ghehoersaem broeder ende is ghesturven mit sijn pater heer Zyboldus an die pestilencie siecte int jaer ons Heren 1451. Ende hi had hier ghewoent 4 jaer
1444 |
G.A. Monnikendam Inv 154 fol 68v/Diversorium Galileaconvent
Jaartallenindex
van onse lekebroeders de tercio ordine. Broder Symon van Udersem. Dese broeder heeft hier int convent int eerste fundacie gheweest ende heeft veel armoeden gheleden. ende hi is ghesturven int jaer ons Heren 1444, ende had hier ghewoent XII jaer
1447 |
G.A. Monnikendam Inv 154 fol 68v/Diversorium Galileaconvent
Jaartallenindex
van onse lekebroeders de tercio ordine: broeder Manthijs (!) van Vossenbroeck. Dese goede broeder heeft dat convent ghegheven al datgheen dat hi was besittende ende ghebrukende. Ende is ghesturven int jaer ons Heren 1447. Ende hi had hier ghewoent 3 jaren in als
1477-08-03 |
G.A. Monnikendam Inv 154 fol 69/Diversorium Galileaconvent
Jaartallenindex
van onse lekebroeders: broeder Pieter Louwerisz van Graft. Dese goede broeder was professijt in der derde oerde van Franciscus, ende was een arbeitsman in dit huus van sliken, van koeijen, ende van ander veel arbeits. Ende hi is ghesturven int jaer ons Heren 1477 op St Stevensvindinghesdach, ende hi had hier ghewoent 25 jaer
1483-08-16 |
G.A. Monnikendam Inv 154 fol 68v/Diversorium Galileaconvent Monnikendam
Jaartallenindex
van onse lekebroeders. Broeder Jacob Jansz van Graft. Dese goede broeder was een sterc arbeitsman in sijn joncheit, maijen, viscken, hacken, ende ander veel arbeijden die hi neersteliken ghedaen heeft totdat hi een oud man was. Ende hi is ghesturven int jaer ons Heren 14883 (!) sdaechs na OLVr ontfangenis. Ende hi had hier ghewoent 54 jaer
1478-01-06 |
G.A. Monnikendam Inv 154 fol 69/Diversorium Galileaconvent
Jaartallenindex
van onse lekebroeders: broeder Gheryt Claesz van Neerden. Dese goede broeder was professyt in die derde oerde van St Franciscus, ende hadde kunste weven bettict ende alle andere lakenen, ende hadde langhe tijt sorghe vant weven, ende was portier. Ende is ghesturven int jaer ons Heren LXXVIII op Dertiendach savents ende hi had hier ghewoent 29 jaer
1484-02-03 |
G.A. Monnikendam Inv 154 fol 69/Diversorium Galileaconvent Monnikendam
Jaartallenindex
van onse lekebroeders. Broeder Albert Jansz van Monikedam. Dese goede broeder was professyt in der derder oerden van Sinte Franciscus ende was een enichvoudich broeder, langhe tijt totter doot toe bewaerde dat naijen ambocht ende oec die reventer van die leken. Ende was in sinen leve een devoot broertgen. Ende is ghesturven int jaer ons Heren 1484 ende had hier ghewoent 43 jaer ende sterf des daghes na O.Vr. Lichtmisse
1456 |
G.A. Monnikendam Inv 154 fol 68v/Diversorium Galileaconvent
Jaartallenindex
van onse lekebroeders de tercio ordine. Broeder Symon Jansz van Overleeck. dese goede broeder heeft in sijn joncheit te cloester ghecomen int eerste beghinnen, ende was Jan Pietersz van Cleijn Overleeck. Ende Jan Pietersz gaf onse convent mit Symon Jansz voers. die anderde acker van die dyccamp an die westzyde van dat koehuus. Ende hi is ghesturven int jaer ons Heren 1456 naedien dat hi hier ghewoent had 20 jaer
1473-03-14 |
G.A. Monnikendam Inv 154 fol 69v/Diversorium Galileaconvent
Jaartallenindex
opten 3e dach nae St Gregoriusdach [12 maart]. Van onse lekebroeders: broder Marten Pietersz van Suderwoud. Dese broder was professyt in der derder oerden, ende hi was in sijn tien een wever, mer hi was langhe tijt in groter siecten, ende maecte onse convent bij sijn levende lijf 50 gld current, welck diet convent ontfinc, ende is ghesturven int jaer ons Heren 1473 op ten derden dach nae St Gregoriusdach, nae dien dat hi bi ons ghewoent had 26 jaer