1462-03-26 (1461) (4) |

A.R.A. Leenkamer 323 fol 56, 56v/R.A.H. Coll Aanw 93 achterin

Jaartallenindex

(vervolg) item Jacob Gherytsz heeft getoont in de voors. Rekencamer opten dach als boven enen verlyebrief van Henric Burchgrave van Montfoirde van 1450-05-02, daermede him verlijet is te houden tot enen onversterfelijken leen die helft van eenre tiende gheleghen in den gerecht van Streevenkerck, belend boven: Henric Arentszoons erve, ende beneden: Willem van Mijnen. Ende dander helft van denselven tiende is verlyet den voorn. Joest Gherijtsz, des voorn. Jacob Gherytszoons broeder bij des voirs. ...... van Montoirde van de date als boven, te houden als boven. Voirt zo hebben die voirn. Jacob ende Joost Gherytsz getoend van den voirs. geheelen tiende veel oude brieve van Vrou Lutgeer van Wulvenhorst die dese tiende toe te behoren plagen ende aen den voirs. jonkhere van Montforde daerof gecomen sijn, den alder oudsten brief van dien gegeven des Dinsdages na H. Sacramentsdach MCCCLXVII. In margine: Denwelcken tienden h[un] oud[ers] alsoe het niet en sijn die tiende die de graeflicheijt aen roeren ontslagen syn in placcaeten van de Rekenkamer opten 26e dach van Merte anno 1461 sec. Curs. Curiae Holl. Want dese tienden liggen in Alblasserwaert aen ene side van der Lecke, streckende tot Dordrecht waert. Ende dat tiende van den Tureken (of Turcken ?) die mynen voirs. genad. here toebehoren soude liggen aen d'ander syde in Crymperwaert in t bedryf van de rentmr van Scoenhoven diewelcke tienden gebruycken die heren van Utrecht