1408-01-12 | Raamsdonk

Cartul Carth Raamsdonk anno 1518 fol 106v/Carthuizers St Geerdenberg

Jaartallenindex

schepenen in Sint Gheerdenberghe oorkonden dat Gheryt Hoolcop Mathysz lyede dat hem lief ware en wel ghenuechde ende bat om God, ende begeerde dat die Sartroysen wonende bij onsen porte, vercopen woude die beternisse van alzulken erve als hij in erffchyns te houden placht van de Sartroysen voirs, gelegen in den ambacht van Raemsdonck ende placht te heten Tierloetslant. Welke erve hij bekende dat die Sartroysen voirs. met allen recht voer den pacht of chyns die daer op stont gheeijghent hadden. Ende gelovede bij zynre trouwen ende sekerheijt nemmermeer daer teghen te doen noch te doen done, ende bedancte hem seer van den Sartroysen voirs om duecht ende guedertierenheit die zij hem bewijst hadden ende weets denghenen groeten danck diet copen zal of wil. Ende gheloefde hem daer in te vorderen ende niet te hinderen. Voort so bekende ende belyde Gheryt voorn dat hi sculdich is die Sartroysen voirs of den toonre des briefs van onbetaelde voirleden pacht en van anderen onrade die sij utgheleijt hadde van den lande voirs 12½ goede gouden Eng nobelen, te betalen binnen eenre maand na der Sartroysen maninge voors. Onder staat: Nota noch enen brief van denselven lande ende Merten Pieter Ramsz van 15½ gherden 8 achtendelen rogs tot St Mertensdage (vgl 1388-11-17)