3 resultaten
1399-02-16 (1398) |
R.A.H. Coll Aanw 67 fol 68/Memoriale B.M. fol 51
Jaartallenindex
hertog Albrecht oorkondt dat wij quytgescouden hebben ende scelden quijt mit desen brief allen den likedeelres (= medeplichtigen) die van ons liefs ende getruwen wegen Widzels heren Ockenz uijtgeweest ende uijtgevaren hebben van allen bruecken ende misdaden die sij jegens ons ende onsen ondersaten tot desen dage toe gebruect ende misdaen mogen hebben. Voert so maken wij mechtich ende mechtigen Jacob Vlistman onsen dienre ende capitein van Dochem den voers. likedeelres van onser wegen te geven een goet vrij vast ende seker geleide, veylich te varen, meerren ende te keeren overal in onsen lande om hoer broet te winnen ende horen penningh huesschelic te verbeteren, ende ongemoeijt te wesen van allen aensprake, bruecken ende misdaden die sij op die coepluden gebrueckt of misdaen mogen hebben tot desen dage. Uytgeset yemande van himluden die ballingh onser lande gemaeckt ware mit recht
1399-03-22 (1398) |
R.A.H. Coll Aanw 67 fol 72v/Memoriale B.M. fol 54
Jaartallenindex
hertog Albrecht etc Laten u weten onsen goeden luden ende gemeente wonende optie Scellingh in onsen lande van Oest-Vrieslandt, dat wij verleent hebben ende verlijet onsen lieven neve Johan heer t'Arkel onse lant ende heerlicheyt ter Schelling, miet hoge ende lage gericht, ende allen anderen toebehoren, geliken hi ons gehult en ontfaen hebt. Daer dieselve onse lieve neve ons manscap ende hulde of gedaen heeft als een leenman sinen heer schuldich is te doen. Waerom wij u en elcx van u verdragen ende quijtgescouden hebben, verdragen ende scelden quijt mit desen brief sulke ede ende hulde als ghi ons gedaen hebt. En ombieden u en bevelen dat ghi hult ende ontfaet onsen lieven neve Johan heer t'Arkel voorn, tot uwen heer ende him of denghenen dien hi des mechtigen sel mit sinen openen brief, eedt ende sweert tot synre behoef in alre manieren als ghi ons voren gedaen hebt. Ende des en laet niet
1398-05-01 |
R.A.H. Coll Aanw 67 fol 41v/Memoriale B.M. fol 30v
Jaartallenindex
aldus sijn die vorwaerde gesciet tusschen Jan van der Ede [Hede] ende joncfrou Lisebet sijnre suster van sulken goede ende lande als jvr Lisebet voirs. Jan horen broeder eysschende was, dair sij voer hebben soude 120 nije Vrancken. Dat is te verstaen dat joncfrouwe Lisebet geven sal brieve onder hoers mans zegel Heynric Haeskijnszoen en Willem Aerntsz, daer sij him in mechtigen sal alle landt ende goet dat sij leggende heeft in der bailjuscap van Rynlandt ende hoer aenbestorven is van horen vader ende moeder, te vercopen tot eenen vrijen eygen. Ende die brieve sullen bliven leggen onder der Vrouwen van Raephorst tot Bamisse toe e.k. in deser manieren dat dese twee voirs. knapen aan der Vrouwen van Raphorst tot Joncfrou Lisebetten behoef gheven ende betalen diese 120 Vrancken voirs. Ende die Vrouwe van Raphorst sal him dan die voirs. brieve overleveren. Ende waert dat dese knapen voirs. dit gelt voirs. op die tyt niet en betaelden, so sullen dese voirwaerden quijt wesen, ende Joncfrou Lysbeth voirs. jof diet sij bevelen sal, die sal hoer goede jof waer sij sijn gelegen in die baeljuscap van Rynlant vriliken aentasten, ende die voert gebruken. Dit gesciede in den Hage voer den Joncheer van Arkel en den domproest van Utrecht