1447-11-10 |

R.A.H. Coll Aanw 221 fol 48/Memoriale Bossaert 1447-1448 fol 23

Jaartallenindex

soe bracht die scout en scepenen van Monster ende leden onder den president en Raden in de handen van de griffier van de camer alsulke gelden als Jan Jacobsz, pachtenaer Jacop Bossarts, geleit hadde onder deselve schout en schepenen, te weten 4 ½ nobel. Ende Claes Murre weduwe 3£ Holl van welken gelde de voors. schout en schepenen ingehuiden ende verteert hebben als zij seggen om en in die reysen die sij daerom gedaen hebben 1½ nobel, dewelk de voirs. Jacob Bossairt off Haze Geryt de Weg[en] dochter, die van hem beyden in den onrechte valt, ende bi den president ende Rade gewyst wort, betalen sall. Ende als van der eenre helfte van den gelde, diewelke de voirs. Haze niet toe spreket die is den voirs. Jacop geoerloeft te bueren ende te ontfangen. Ende die andere helft die sij toespreect ende dair zij toe meynt gerechtigt te wezen, sall blijven onder de voors. president en Rade ter tyt toe dat die voors. Jacob en Haze gescheiden zullen wesen