1409-01-20 (1408) |

R.A.H. Coll Aanw 71 fol 53v/Memoriale B.C. fol 36, 37 (ingestoken papier)

Jaartallenindex

wetet Frederick van Blanckenhem, bisschop te Utrecht, dat wij Aernt van Gelre, Huge van Doeveren, Aernt Goessensz, Everaertsz, Willem Henricsz, Henrck Struijcsz, Goesen Jacobsz, Jan van der Haer, Jan van Zuijtveen, Jan Henricsz, Claes Kemp Tielmansz, Willem Akerlaec van Puelwyck, Gheryt Petersz v.d. Moer, Jan die Goijlre Aerntsz, Jan die Bie, Hans die Boemer, Gheryt die Gruter, Eerst Willemsz, Claes Lambertsz, Jan van Goevairtsleuwen u vyant wesen willen ende alle dergeenre die u dat onrecht helpen stercken dat ghij an heer Jan van Brederode, heer tot Abcoude en tot Duerstede, onsen lieven Heer, keert en des gantsen Stichts van Utrecht, utgesceiden der stad van Utrecht, der stad van Amersfoorede ende van Renen. Ende wij voirgenoemde gesellen hebben gebeden Marc Fugate, onsen capteen, om gebreck wil onser segelen, dat hij desen brief over ons besegelt. En ic Marc Fugate om bede wille der gesellen heb ic mynen segel binnen hier op gedruct. Geschreven op t huijs te Giessen, des Sonnendages na St Ponciaensdach