1406-04-26 (1) |

R.A.H. Coll Aanw 69 fol 111/Memoriale B.H. fol 71

Jaartallenindex

het ondersoeck van Alcmair. Philips here van Wassenaer ende Philips van den Dorp oorkonden "want alle onstandelike saken, grote breuken ende misdaden tot hair toe van sommigen luden bedreven ende gebruect syn binnen der stede van Alcmaer, dair voortyts ende dagelyx soe voel clagen, gecroen ende geroep of gecomen sijn, dat wijs niet langer verhouden noch vertoven en dorsten". Zij hebben daarop met de Raad een onderzoek gedaan en bevonden "hoe die scout ende t gerecht van Alcmair voel afterwesen ende confuse gedaen sijn, den scout gevreest, dat hij t recht van noits wegen up moste setten ende laten staen t gerecht geslagen ende gekuijst omdat sij vreden wouden, ende upten huyze gehouden dat sij gheen recht doen noch wisen en dorsten noch up ter straten gaen om sommiger luden willen, die ghewapent mit baerdaxen, zwaerden ende ander wapen dagelicx gingen boven der stede koer, daer sij die scout of becoerden ende niet of en hilden, mar hieten den scout hande an hoijck slaen waer dat hijt berechten woude, des scouten knecht boven des mans slaep in sijns selfs huys doetgeslagen, anroepende an t huys om in te wesen ende seiden dat sij vrient waren, des him noch nyemant beliden en wouden. Oec hebben sij den baeliu van Kennemerlant sonder aentichte, woirden of wederwoirden angevochten in synre herberge, daer hij sat en gegeten hadde mit andere goede knapen, mit bogen dairaen gescoten ende mit vele andere wapenen daaran gevochten en geslagen, om vier roepende daer sij hen mede uut den huyze bernen wouden ende om bussen mede te schieten, also dat die bailiu, soude hij behouden sijns lijfs van daire comen loven moste en hem verbinden, dat hij binnen drien dagen geen vergaderinge maken en soude. Een ander huijs, daer sommige van den gerechte in waren, na mit machte up gelopen ende gebroken harnasch ende ander goede dairuit geroeft ende genomen ende anders soe voel ontamelike grote bruken bedreven mit vredeloze luden ende balling des lants, ende anders voel ondadigen knechten, alsof sij gheen lantsheer gehadt en hadden, om welken brueken en groet misdaet willen dese personen hierna gescreven: Heynrick van Thorenburch, Willem die Wilde, Jan die Wilde Florysz Gheryt Wissenz.z, Wisse zyn broeder, heer Jan die paep, Jan Lambrechtsz, Jan Claes Jacobsz.z, Aernt Gherytsz, Jan Mathys, Heynric Huge Rodenz, Dirc Pieter Scutenz, Winrick Claesz, Claes Hobbe, Jan Bertout, Pieter Gabkenz, Gheryt Kaeymaey, Jan Bal, Andries Bal, Goeswyn Garbrantsz, Clais van Adrichem, Engel Tybautsz, Willem van Adrichem, Pieter Loijs Willemsz, Jan Loijs, Jan Gherytz, Willem Doechde, Marten Backer, Dyrc Symonsz, Willem Dircsz, Huge Jansz, Gheryt, sijn broeder, Heynric Meeusz, Meeus, zyn broeder, Romar Mathijsz (zie vervolg)