4 resultaten
1492-01
folio 138v CXXXVI 1489-1492
Transportregister Haarlem
Jacob Wolbrantsz en Wolbrant Wolbrantsz lijen mit gesamenderhant, alze waert eenich van him beyden storven of oflivich worden voor hoir moeder Alijt Wolbrant Dircsz weduwe, dat nochtans des oflivigen kinderen mit eenre hant in de erfnissen ende goederen comen sullen van de voirs Alijt hoere moeder, in allen schijn of der kinder vader noch leefde
1560-03-31 |
Ms Opstraeten v.d. Molen dl III fol 307-309
Jaartallenindex
getuigen hebben gehoord van oude luijden van het geslacht van der Horst, als van een Joost Woutersz, Simon Woutersz en Herman Woutersz, daervan die eene gebruyckt die goederen van die van Suijlen, dat die voorn. Joffr Marie, de producents oude moeije gecomen is van een dochter van der Horst, ook de oude Dirc kvan Suijlen te Harmelen heeft dit volgens getuige gezegd, dat Alphert ende Dirck van der Horst heerlijcke goeden hebben soude, so sij storven sonder kinderen, Herman van Suijlen Sweersz, haer neve, die producents vader, altijts als men sprack van die erfenis van Dirck van der Horst wie die hebben soude. Getuijge heeft gehoort ten tijde dat Hermans van Suijlen vader overleden is geweest ende synen soon die producent alhier 36 weken geboren wert naer sijns vaders doot, dat Dirc van Suijlen van Harmelen de oude wesende seer verblijdt dattet een soon was, geseijt heeft tegens die craamvrouwe, die producents moeder, ende die coster van Harmelen, laet ons gaen seijnde met een brieff Alphert van der Horst die noch leeffde het sweert van Herman van Suijlen ten eijnde dat hij wil bedencken den onmondige die sijn leenvolger moet wesen evenverre hij beleeven kan de doot van Alphert en Dirc van der Horst, ende dienvolgende hebben hem het sweert gesonden met die schout van Harmelen, ende heeft Alphert tselfde in danck ontgangen als die schout seijde als hij wederquam, verclaerde hierenboven dat sij getuige Alphert van der Horst, broeder van Dirc van der Horst van wiens goederen hier questie valt als sij getuijge verstaet, geleden omtrent 34 jaren in de Sleutel te Utrecht wesende aldaer gecomen ter uitvaert van Sweer van Suijlen, geseijt heeft gehad jegens Herman van Suijlen Sweersz, des producents vader: "Siet neeff wij en sijn den anderen so vreempt niet, want evenverre ick en myn broeder storven sonder kinderen, soo soude Marie van Herweerden ons rechte leenvolchster wesen, ende alsoo die te oud is om kinderen te crijgen, soo sult ghij of u kinderen mijns ende mijns broeders leenvolger sijn, ick hebbe u die wapens getoond in den Dom". Dit zelfde heeft Herman van Suijlen ook aan zijn pachter Joost Hermansz verteld, de goederen zouden erven op dese drie huijsen: t huijs ter Haer, te Vleuten ende op t huys ten Ham (bekort)
1442-02-28 |
Bissch Oud Arch Haarlem/Arch Klooster Regularissen te Beverwijk no 2
Haarlem Algemeen
broeder Jan die Bruijn, prior des cloesters der Regulieren OLVr in Sijon tot Beverwijc ende Geryt die Visscher, priester binnen Beverwijc, oorkonden dat jonfrou Alverijt van Assendelf Pieter Albouts wedue, voir ons geseijt heeft mit waren woirden, dat haer wel te gedenken was als dat Pieter Albout in voirtiden gecoft hadde tiegen Vranck van Zaenden een huustgen mit den erve daeran, daer nu des heren vangenisse an staet binnen Haerlem om 15 nobels. Welc gelt Gheryt Albout, Pieters voirs. vader, van Pieters wegen betaelde Vranken voirn. in ene opene herberge voer veel goeder lude als in Jan Florijs Galenz huijs. Mer want Vrank van Zaenden ende Pieter Albout voirs. in dier tijt Haerlem rumen mosten, so en werden daer gene scepenenbrieve off gemaect. Oec so seide jonfrou Alverijt mede voir ons dat Vrank voirs. dicwil Pieter voorn. toeseide dicwijl si beide buten Haerlem waren, dat hi hem van dien coep voirs. scepenenbrieve geven soude te hant als sij binnen Haerlem wederquamen. Mer want Vranck ende Pieter beide storven buten Haerlem so en warden daer geen brieff off gemaect
1467-1575 (5) |
A.R.A. Familieregister van Spaernwoude (voorlopig) Charterdoos Fack VII van het Familiearchief Heereman van Zuydtwijck
Haarlem Algemeen
(vervolg) (fol 12) XIIIIc int jaer (14)89 des Saterdages voir die 10m martelarendach starft myn moije van Ruijven te Leijden int cloester tot Roem op Rapenburch. Item des Manendages voir St Marie Magdalenendach soe toegen wij tot Leyden om te bezien hoe t daer stont mit die erfnisse van onse moije ende daer vonden wij dat si al hoir tilbaer have ende al hoir guet utgesceiden ½ die Nesse had si het cloester gemaect aldaer. So en cregen wij niet dan ½ die Nesse, 7 sitkussen, een Marienbeeld en 6 R gld. Hiermede sijn wij van der erfnis gesceiden; (fol 12) int jaer ons Heren 1472 opten 24dach in Maert starf mijn moije van Woude. Int jaer ons Heren 1482 des Vridages voir Meij starf Eems Jan Claeszdochter, 1475 opten anderen dach in Augustus starf mijn moeder te Zijl binnen Haerlem; int jaer ons Heren: 1483 opten 9e dach in April starf Ysbrant Gerijtsz, mijn bastert broeder, 1488 omtrent Lucasmarct starf onse moeije van der Does, 1489 omtrent S. Michiel doe bleef te Enchusen Frans van Poelenburch, 1490 op St Bavendach starf Adriaen van Poelenburch; (fol 13) in t jaer 1484 op St Lambertsdach wart Geryt mijn bastertzoen geboren, 1486 op St Anthonisavont doe wart Willem mijn bastertzoen geboren. Item dese 2 kinderen storven int jaer 1486, den outsten 14 dagen voir den joncsten ende si worden beide in die Grote Kerk gegraven bij scepemakersoutaer in myn oudemoedersgraf. Item in tjaer 1491 opten lesten dach in Mey starf Adriaen myn soen, ende hij wart begraven in die Grote Kerk by die noerddoer onder enen roden sarck an een outer van Sinte Annen. Item int jaer 1472 starf myn moije van Haestrecht op ten 27e April. Int jaer 1459 des DIngsdages na Meydach starf Lysbeth Jan Claesdochter; (fol 13v) int jaer ons Heren: 1449 opten 7e dach in Augustus doe wort Marrie mijn suster doechdelic ontfangen int cloester ter Wyc, in 1471 des dages na der Apostelensceidinge starf Marrie myn suster, priorinne in die Wyc, des nachts te twee uren ende dit was op S Alexidach, in 1492 opten 10e dach in April starf heer Willem van Spaerwoude, priester, myn broeder, ende was op een Dinxdach savens voir Palmen, in 1494 opten 6e dach in April starf Jacop van Poelenburch mijn wijfs vader te Purmer int lant, ende wart te Hairlem gebrocht ende wort in die Grote Kerk begraven onder enen roden sarck an Sint Annen outaer