4 resultaten
1408-06-13 |
R.A.H. Coll Aanw 70 fol 136/Memoriale B.F. fol 104
Haarlem Algemeen
schold mijn heer quyt Jan Eijlaertsz alle breuken en misdaden roerende het gevecht op St Pietersdach ad vincula te Haerlem en roerende den vechteliken, dair Symon van Zaenden en Willem van den Woude in doet bleven. Hij betaalt hiervoor 50 nobels aan de tresorier. Item desgelycs op tieselve tijt so hadde Meynairt Claesz oic een plackaert
1392-02-03 (1391) |
R.A.H. Coll Aanw no 65 fol 37v/Memoriale B.D fol 33
Haarlem Algemeen
Saterdages na Purificatio anno 91 machtigde myn heer Gherijt Andriesz, sinen scout van Haerlem, alle diegene die quade faijten gedaen hadden an te tasten daer hi se vonde, tusschen der Wyc ende Hillegommerkercke, ende tusschen den Heijligen wege ter Zee toe, ende die te brengen binnen Haerlem in der vangenisse, maer daer over niet te rechten noch van him te laten sceyden ten ware bi myns heren wille ende beveelnesse. Voert machtigde mijn heer op tieselve tijtden scout voers. alle diegene die binnen Haerlem gebruekt hebben ende daer voertvluchtich sijn aen te tasten binnen der marken voers. ende te brengen binnen der stede voirs. maer daerover niet te rechten. Durende tot myns heren wederseggen
1350-11-16 |
R.A.H. Coll Aanw 50 fol 9v/Reg B. Bloys Cas D fol 11v
Jaartallenindex
Wissen wijf uten Poel. Jan van Henegouwen oorkondt: dat wi overgegeven hebben Wolviarden die Wissen wyf was uten Poel, ende den kinderen die si bi Wisse hadde, die 400 roeden lants die Wisse mit ons gemeene liggende hadde ende van ons in pacht te houden placht an 3 stucken, daer t'ene af hiet t werf ende t voerhof, t ander Willem Haddenz hofstede, ende t derde Jans Berenhof, in desen manieren dat wi die 400 roeden lants die wi t onsen deel daeran te hebben plagen, quytscelden in enen pangel, alsoo dat si onse rentmeester in zeeland daerover bewisen sal t onser behoef anderswaer binnen der parochie daer dit voern. land gelegen is, also veel erves als dat alsoe goed is. Op tieselve tyd gaf myn heer Wolvyarden vors. enen openen brief daer hi en hueren kinderen guede quit scout van der scout die Wisse minen heer sculdich mochte wesen alse van der tyd dat hi in myns heren dienste was ter Goes, overmits 5£ groten die si alreede betaelde in het jaer 1350. Jan Hughenz. item op dieselve tyt gaf myn heer Jan Hugenz een stucke lants in Dreyscyer, daer hi myns heren man af waert tot sinen live in t jaer 1350. Item onlange daarna gaf myn heer Aloud Jansz een deel lants hiet die boomgaert ter Goes gelegen, daer hi myn heren man af waert, tot sinen live in t selve jaer van 1350. Op fol 7v dezelfde akte, hier gedateerd die Martis post Martini hiemalis anno 1350
1398-12-28 |
R.A.H. Coll Aanw 67 fol 60v/Memoriale B.M fol 45
Haarlem Algemeen
item nam Heijn Zagher bi sinen eede, doe t vechtelic was tot Haerlem op Willem Cuser in Jans huijs van Foreest, doe was Heijn voers. Willems knecht, doe in dien vechtelic en sach Heijn voers. noch en hoorde dat Willem die Grebber yet dede of pijnde te doen, dat Willem Cuser tiegens dragen mochte, maer hi sach dat Willem die Grebber him seer pijnde te scheijden, ende als him docht so was him leet toten vechtelic. Oec so seide voers. dat Willem die Grebber Willem Cuser altoes pijnde te voldoen ende lief te doen als him dochte, ende dat hi niet en hoorde dat Willem die Cuser Willem die Grebber ondancte in desen stucken. Item seide heer Coen Cuser dat Willem die Grebber quam tot Willem Cuser sinen zoon, daer hi sat opten put voer t huijs voers, ende seide dat hi Willem Cuser spreecken woude. Daer seide hi Willem Cuser dt hi wel voeren him sien soude, hi duchte datter luden waren die him slaen wouden. Ende dat Willem die Grebber nauwe van Willem Cuser gesceiden was, daer en quamen luden lopen op Willem Cuser daer hi sat, ende vochten op him ende sloegen t naeste huijs duer, ende vreesden Willem seer ende sijn vrienden, ende voer dat huijs wort een van Willems Cusers knechten seer gewont. Ende heer Coen seide mede dat Willem die Grebber Willem Cusers maech was. item op tieselve tijt seide groote Pieter dat hi Willem Cuser hadde horen seggen dat hi Willem die Grebber bedancte, ende hadde hi gedaen, het soude him sijn lijf gecost hebben in den vechtelic tot Haerlem