1413-07-24 |

G.A. Amsterdam Inv B.W. 578 regest 175/Cartul Carthuizers bij Amsterdam

Jaartallenindex

Syman Jansz van Broec, scout tot Purmerende, scepenen in denselven ambacht, en sevenen van den land dat hier na ghenoemt staet, doen cond allen luden dat voir ons quam Everaert Jacobsz ende wederdreef alsulke coep als sijn broeder Symon vercoft hadde Jan Teding Claesz, rorende van den lande dat hier bescreven staet. Voirt doen wi cond allen luden dat dieselve Everaert voirn dairna voir quam ende gaf enen vrien eigendoem den prior van den Carthusers bij Amsterdam tot des cloesters boehoef van alsulken erven als hi wederdreven. In den eersten van 2½ gherde lants leghende in Merinxweer, welke weer is 10 gherden, dair of bihoren toe Dirc Melisz 5½ gherde, Pieter Albertsz 1 gherde. Item van een gherde lants legghende int zuuderste weer, welke weer tesamen is 4 gherden, dairof bihoren toe Dirc Melisz voirn. 3 gherden ende die helft van enen werft enoep (?), dair Dirc Melisz die ander helft toebihoort of. Item van der helft van dat oude huusweer, dair die ander helft of toebehoirt Dirc Melisz voorn. Item van 1½ vierendeel van een stucke lants gheheten die Streng in Peter Albertszoens weer, dair die ander 1½ vierendeel of toebehoeren Dirc Melisz, ende dat 4e vierendeel of toebehoirt Peter Claesz etc.

Claes Tedenzoen, Gheryt Sijmon Ballinxz en Huusman, schepenen, Peter Albertsz, Claes Wolf siin zoen, Peter Claes Albertsz, Symon Jansz, Peter Jansz en Jan Jansz gebroderen, sevenen; met het zegel van Syman Jansz van Broec