1421-09-23 |

R.A.H. Coll Aanw 76 fol 108v/ Memoriale in Beyeren anno 1421 fol 34v

Jaartallenindex

hertog Johan oorkondt "hoe dat wij in voirliden tiden van onser wegen an deden tasten sulke tyende alse onse geminde Goidscalc van Brakel liggende heeft in onsen lande van Suyt Hollant in Riederwaert, meynende dat wij daer recht toe hadden, also sij van outs der grafelijkheid van Hollant toegehoort heeft, so dat wij dier sake alinge en al bliven en keerden an onse getruwen heren Peter van den Steyn, den proost van Oudmunster, en heer Florys van Borsel die hoir scheidinge dairof geseyt ende gedaen hebben als dat Goidscalc ons uytreicken ende geven soude 120 gouden Holl. scilden, des soude hij den voirs. tiende vrij aenveerden ende van ons te leen houden in der manieren hiernaevolgende. Ende want onse camerlingh Gherijt Hoichstraete hem die voirs. summe gelts verleyt ende ons van sijnre wegen die betaelt heeft, soe dat wij Goidscalc voirs daerof quijtscelden, so ist dat wij Gheryt voirs. dienselven tienden in handen geset hebben, ende gemachtigt dien te gebruyken totter tijt toe dat hem Godscalc voirs. voldaen en vernueght sal hebben". Zodra Gherijt volledig betaald is zal de hertog Godscalc met de tiende belenen