2 resultaten
1473-07-23 |
Bijdr Bisdom Haarlem dl 16 no 137/Cartul Zijlklooster Haarlem fol 14
Haarlem Algemeen
ist uutgesproken dat die commanduyer van St Jan sal weder hebben t lant buyten die Sylpoirt ende die brieven dairoff wesende. Ende hij sal t convent van Zijl uitreyken 80 R gld binnen 4 jaren after eenvolgende. Dairt eerste termijn of sal verscijnen anno 74 23e dach in Julio. Mer des so sel t convent te Zijl dat lant noch 2 jair hebben in huyrwair dair t leste jair off sel sijn 74. Dese termijnen sel men vasthouden oft seggen ende is van geenre wairden. Onder staat: dit is al betaelt ende dair hebben wij den commandeur voirs. een quytsceldinge of gegeven bezegelt mit onsen conventszegel in t jair 1477
1414-01-02 |
Reg H. Geest Naaldwijk/Copie v.d. Marel p 18
Jaartallenindex
ic Wouter Willem Arentsz.z doe condt allen luyden, dat ic vercoft hebbe Heeren Jan Arentz, deken tot Naeldwijk, minen neve, ende Jan Gheesen 2 hont lants ende 15 voet gelegen in den ambacht van Naildwijk in die Hoeve, ende ic cofte jegens Willem Gherijt Dijnsz ende Dirc van der Hoern die voecht waren van Adriaen Dirc Hugeszoons kinde. Ende dit land voirsz is gelegen in een stucke lants van 8 honden. Hier of heeft die H. Geest tot Naeldwyc 1 hont lants ingaende van der noertzyde. So blijfter 7 hont by der oude rekening, sonder anders maet te leveren. Ende is nu dus gedeilt mitten coep voirs. dat elc sal hebben een helfte, ende is geheten die Brede VII hont. Want ic zelve ghenen zegel en hebbe so hebbe ic gebeden Jacob van Rijn dat hi desen brief voir mi besegelen wil mit sinen zegel etc. Opschrift: item heer Jan Arentsz heeft besproken ende gemaect den H. Geest tot Naeldwyck 3½ hont lants, leggende in die Hoeve in de Brede Zevenhont, doe ter tijt gemeen mit Jan Gheesen. Des soude die H. Geest op zyn jaergetide over hem delen ende jaerlix die kerck uitreyken 8sc tot 9 caersen ende die coster 2 schell. Daeroff een brief is onder den capittel C 2 anno XI Copie van den brief van den 3½ hont: volgt bovenstaande brief