2 resultaten
1428-08-22 |
R.A.H. Coll Aanw 203 fol 1/Memoriale Rosa I fol 1
Jaartallenindex
Dirck Jacopsz verklaart onder ede, dat hij jvr Lysbeth van Cuenbroec gegeven heeft alle jair 4£ 15sc sint den jaer '18 tot nu toe, uutgenomen dat hij noch een jaer sculdich is. Desgelycx seit Aernt Touwe, dat hij van den tijt voirsz jvr Lysbeth voern sie alle jair gegeven heeft sjaers 4£, uutgenomen dat hij noch een jaer sculdich es. Item heeft hij haer noch gegeven van den leengoeden boven hoir lyfftocht alle jaer 4£ 5sc, uutgenomen van den lesten jare. Item desgelicx op ten 22e dach van Augusto is gecomen Pieter Dicsz ende heeft up sijnen eedt genomen, dat hij de jvr voirn. jaerlicx betaelt heeft van 3 morgen lands van den jaer van XVIII tot nu toe, uutgenomen den twee naest jaeren ende oic 1£ min. Item desgelycxs is gecomen Gherijt Jansz ende heeft op sinen eden genomen, dat hij de jvr voirn jairlicx wail betaeld heeft 4 jaer lanc 14£ sjaers XV .... van 9.... [?] end daer tevoren gaff hij 14£ sjaers utgenomen dat hij daeraff schuldig gebleven is omtrent 6£
1410-02-21 (1409) |
R.A.H. Coll Aanw 71 fol 121/Memoriale B.C. fol 88v
Jaartallenindex
t geleyde van den partien van Pieter Drooms doot. Item so is geraemt enen dach te houden in den Hage des Sonnendages na midvasten e.k, dats te verstaen t Sonnendages voir Palmdach (9 Maart) roerende van den dootslach van Pieter Droom. Dairyp so heeft mijn here geleide gegeven Dirc Willemsz van den Woude mit sinen magen, sijn sij ballingen of geen uutgenomen myns heren vyande, an die een side, ende desgelycs Pieter Drooms mage an d'ander zijde, durende 8 dagen voir ende 8 dagen na den dach voirs, veijlich te wesen overal in mijns heren gebieden, behoudelic dat die ballinge ende voirtvluchtige, die geen sonderlinge geleide en hebben, binnen der stede van Haerlem niet comen en sullen binnen der tijt van den geleide voors. Eodem die gaf myn heer geleide Jan Willem en Jacob Jansz ingaende t Sonnendages up midvasten e.k. ende durende tot Palmensonnendage toe dair naistvolgende, uytgeset dat sij binnen derselver tyt binnen der stede van Haerlem noch binnen hore vryhede niet comen en sullen