1398-08-28 |

R.A.H. Coll Aanw 67 fol 49/Memoriale B.M. fol 36

Jaartallenindex

hertog Albrecht oorkondt "want wi onsen lieven ende getrouwen Jan heer van Brederode geerde geholpen ende gevordert sagen in sulken saken als daer hi om dinget in onsen Hof tot Bergen in Henegouwen tiegens Jan van Bartangen roerende van alsulcker scult als die heer van Brederode, sijn vader, onse neve grave Guij van Bloys, eyschende was na inhout sijnre brieve. So geloven wi Jan heer van Brederode voers. om menigen getrouwen dienst die sijn ouders ende hi onsen ouders ende ons gedaen hebben ende hi ons noch doen mach in dien saken voers. helpelic ende vorderlic te wesen, so wanneer dat hi des an ons versoect. Ende ombieden ende begeren an onsen baljuwen rentmeester van Henegouwen die nu sijn of ter tijt wesen sullen, ende an allen onsen mannen goeden luden ende ondersaten van onsen land van Henegouwen, ende elken bisonder, dat si Jan heer van Brederode hulpeliken, bistandich ende vorderlic sijn tot sinen rechte als hi des te doen mach hebben tiegens Jan van Bartangen voers. na inhout synre brief die hi heeft van onsen neve van Bloys, ende des niet en laten". Item die heer van Brederode heeft minen heer gelooft van al des hi wint op Jan van Bartangen, het si mitten rechte of mit dadinge te geven daer of den 6e penningh, ende daer is een brief is