Arkel, van | 1412-07-26

R.A.H. Coll Aanw 52 fol 153/Reg J (Privilegia) fol 107; R.A.H. Coll Aanw 182 fol 95v/Inv Brieven Tresorie anno 1498 fol 47

Achternamenindex

Wij Willem soen t'Arckel doen condt allen luden dat wij mit onsen vrijen moetwille voir ons ende onsen erfgenamen vertigenisse gedaen hebben en vertijen erfelic ende ewelic op ende van der stadt van Gornichem mit sinen scependomme, mitten heerlicheden, landen, luden ende renten daertoe behoerende, ende van alre erfenisse ende vorderinge ende op alle aensprake die wij hebben of ons aencomen mogen op onsen Heer Hertoghe Willem van Beyeren, Greve van Henegouwen, van Hollant, van Zeelant ende heer van Vrieslandt, ruerende van den heerlicheden ende gueden die die voirs. onse Heer van Hollant tot haer toe beseten heeft ende bekennen ons ende onsen erven gheen recht noch aensprake daeraen te hebben noch te behouden in enigerwijs sonder argelist. In oirconde ons segels mit onser rechter wetentheijt aen desen brief gehangen. Gegeven op ten huse tot Duersteden bij Wijck. Eenen brief daermede Willem soone t'Arckel vertijet tot behoef hertoge Willems van Beyeren tot eeuwigen dagen van der stede van Gorinchem ende t lant van Arckel