2 resultaten
Agerlijn | 1353-10-19
A.R.A. Leenkamer 32 Copie fol 70/Reg EL 25 fol 44
Achternamenindex
hertog Willem geeft Willem Agerlijn van Salfvliet "die camer mitter hofstede dair si op staet en nu betimmert is en die beseten heeft [belegen heeft] op die oostzijde Fye Cukens, op die westzijde Gillis Dirc Vlamincsz in allen manieren als oe si ons ane gecomen is van haeren Willeme van Duvenvoirde, in manieren dat alle dienstcoste en scade die en omme onsen wille gaf in onsen dienst ende oirbaer geleden heeft grute wesen sullen en ons tot onser eere ende oirbaer voertan gereijt wesen sal . Dit sal geduren tot sinen live. Datum in den Haghe" ad relationem domini Johannes de Bruelis en Alvini de Revele, seigneur de Heemskerke. W. Heerman
1442-01-28 |
G.A. Monnikendam Inv 154 fol 14/Diversorium Galileaconvent
Jaartallenindex
wij Alijt Garbrants, ministersche in der tijt ende ghemeen convente der susteren van Sinte Mariengaerde binnen Monikendam, bekennen mit dese open brieve voer ons ende onse nacomelinghen dat wij ghegheven ende ghevriet hebben den convent ende broederen tot Galilee bi Monikendam die becanden ende belien dat si ghebruyct hebben ende ghebruken twie koeven landes gheleghen in Monikebroek ende begheerden om salicheit hoere sielen ende der gheenre daer of ghecomen is om dattet gueden gheestelic waren of pleghen te wesen daer of versekert ende ghevriet te werden als van de .. gheestelycke ende onrechte gueden ende van een sprake of een opseggen der gheesteliken personen of cloesters in Vrieslant gheheten Luijduikerke dat wi ghedaen hebben ende om salicheit hoere sielen. Ende vrienden voers.broederen ende haer nacomelinghen mit desen teghenwoerdige brieve die twie koeven landes totten ewighen daghen nae inhoud ende utwijsinghe onses briefs ende rechts daer wijt sekerliken ende warachtelic mede vrien moghen van allen onrechten goeden of gheestelike goeden ende opsegghe of ansprake des cloesters alsoe dat sijt voertan sullen ghebruycken ende besitten godlijcken mit allen rechte ende mit goeder consciencien seker ende vri tot ewighen daghen van des cloesters weghen ende onsen weghen, ende sullent besitten erven ofte vercoepen, als men edel ende vri rechtvaerdich goet plech te erven ofte vercoepen. Ende mede soe vrien wij ende gheven hem quijt alle renten die tot desen daghen toe van desen voers. lande gheboert opghenomen of ontfangen sijn van hem ende mede dieghenen daer sijt van ontfanghen hebben. Sonder arch ende list. Bezeghelt met onser conventszeghel etc. In margine: quitancie conventus sororum in Monikendam de terris in Monckebroeck. Opschrift: Littera van die Camer op die Leek (vgl 1468 in die Silvestri, 1468-12-31)