1419-12-21 | Assendelft

Arch Marquette Inv no 1076 fol 1v

Jaartallenindex

ick Barthout heere van Assendelft, ridder, doe condt allen luden: want mine ouderen in voertijden, en ick selve tot desen daghe toe gehadt hebbe binnen minen lande, ban ende heerlickhede van Assendelft, enen jaarlycxsen thinse, ende opten vrije luden binnen minen lande, ban en heerlichede van Assendelft voirs, enen jaarlycxsen vrijen vroenscoude, soe heb ick, voer mi, ende voer mine nacomelingen, vercoft tot enen vrijen eyghen mine goede luden ende gemene ondersaten binnen minen lande, ban ende heerlickhede van Assendelft, ende allen den genen die gelant sijn binnen denselven ban van Assendelft voirs ende heure nacomelingen, den thinse, dien ick staende hadde op alle de landen binnen den ban van Assendelft gelegen dats te verstaen dat alle dat land voors. thinsevrij wesen ende bljiven sal tot eeuwigen daghen; ende den vrijen luden in den ban voirs. nu ter tijt geseten en die namaals komen moghen ende heuren nacomelingen, haar vrijen vroenscoude tot eeuwigen daghe of ende te niet wesen etc. Heer Barthouts broeder Dirk van Assendelft consenteert hierin en zegelt mede