2 resultaten
1422-04-27 |
R.A.H. Coll Aanw 77 fol 10v/Memoriale Ducis Johannis fol 6v
Jaartallenindex
confirmatie optes R. Koningsbrief van edeldom. Hertog Johan oorkondt "want wij mit onsen Rade ende clerken oversien hebben sulke hantvesten ende privilegien van sonderlinge gracie ende gifte van edeldom, alse onse geminde Jan Jacobsz nu ter tijt in den ambacht van Monster geseten van den alre duerluchtichsten vuerste onse genadige heer den Roomschen Coning verrcregen heeft, ende oic sulke brieven als onse Bailju van Rynlandt mit onsen edelen mannen van sinen aenbringe dat hij daerop in deser hoger vierschaer tot Leijden gedaen heeft him mit recht en vonnisse gegeven ende besegelt hebben. So ist dat wij om oetmoedichs vervolchs wille Jans voirs. die voirgeroerde privilegie, rechten ende vriheden ende die brief daerof geconfirmeert hebben ende gevesticht, also dat Jan voirn. ende sijn nacomelingen van sinen rechten swairde voirtaen tot ewigen dagen alre vryheden, voirdeel ende waerdichede gebruken ende genieten sullen in allen saken als andere wailgeboren luden in den lande van Hollant van ouder gewoenten tot hairtoe gebruijckt ende genoten hebben. Eodem die placcaat over deze brieven van edeldom
1406 |
R.A.H. Coll Aanw 69 fol 199/Memoriale B.H. fol 126v
Jaartallenindex
hertog Willem oorkondt: "want onse waelgeboren luden van Leyderdorp in voirleden tyden sceelden en twisteden om t voir offeren en voir paes nemen in der kercken aldaer, dat onse lieve oom hertoge Willem nederleyde ende scheijde mit sinen seggen, geliken sijn besegelde brieven daerof inhouden en begripen. Dair noch seder twist ende discoirt om geweest hebben tussen Gheryt van Zijl, Mouweryn van der Does ende Gheryt van Bennebroeck, die dat alinge ende al aen ons gekeert ende gebleven zijn ..... onse seggen dairaf geseijt ende willen dat diegene die an der Z.z. van der kercke mit rechte staen voir offeren sullen, ende die an die N.z staen voirpaes nemen, na inhout v.h. zeggen van hertog Willem sal.ged. Des sullen sij alle drie voirs. en horen nacomelingen beneden den koer gaen staen, Gheryt van Zijl ende Mouwerijn voirs an die N.z, ende Gheryt van Bennebroeck an die Z.z. En wie opten koer ghinck staen die en soude aldaer offeren noch paesnemen in geenrewys. Ende also Gheryt van Zijl ende Mouwerijn van der Does voirs. aen eenre sijde staen, is onse seggen of omdat wij vinden dat Gheryts ouders voirs. altoes voirtijts t voirdeel gehadt hebben van den voirofferen ende paes te nemen, dat Gheryt en zyn nacomelingen dat voortan hebben en houden sullen vóór Mouwerijn en zijn nacomelingen. Voirt waert dat yemand die zijn ouder of hi selve enige capelrien ende outaer in der voirs. kercken gemaeckt hadden of noch maecten, dair sal een yegelick tot sinen outair voir offeren en paes mogen nemen voir yemand anders sonder daeraen yet te misdoen". Dit zeggen te houden op een boete van 300 Eng nobels. Geseit in den Haghe in t jaer ons Heren 1406